An Amerika

1. Fu méngem Duerf goung ech hier,  

Dat frësch am Grénge lait  

Dohannen iw'rem grousse Mier  

Sou wait fu mier, sou wait;  

Do steet en aremt klinzecht Haus,  

Eng Bänk virun der Dir,  

Do breet eng Lann hir Blieder aus,  

Mecht kille Schied derfir :  

 

 

 

2. Fu ménger Mamm fort goung ech hier;  

Dé gudden Engel do,  

Mat hirem Hierz gét iwer d'Mier  

Si iweral mir no;  

Op onser Bänk virun der Dir  

Hu mir sou oft gesiess,  

A koum ons d'Liewen däischter fir,  

Mir hun et do fergiess:  

 

 

 

3. Fun hinnen zwé fort goung ech hier,  

Hunn néierens keng Rou;  

An zënter zwëschen ons dat Mier,  

Gin ech och nët méi frou;  

Kënnt op der Bänk virun der Dir  

Ech sëtzen eng Minutt  

Bei hinnen zwé, da wär et mir  

Op deser Welt rem gutt !